Tirado de ingobernable.bitacoras.com

Nós, mulleres da Marcha Mundial, vidas de 31 países de todo o mundo, reunidas no noso Sexto Encontro Internacional en Lima, Perú, do 2 ao 9 de xullo 2006, rexeitamos a globalización neoliberal e patriarcal, a militarización e a imposición dos acordos ditos de "libre comercio" polos seus efectos devastadores sobre as mulleres e os homes, os pobos e o planeta. Nós loitamos por erradicar a pobreza e a violencia e pola construción dun mundo baseado na liberdade, igualdade, xustiza, solidariedade e paz. Unimos as nosas forzas para contrarrestar a impunidade, as intervencións e agresións estranxeiras e para lograr a nosa soberanía alimentaria. Actuamos en alianza con outros movementos sociais, que como nós, están resistindo e tomando accións en todos os recunchos do mundo. Nós cremos que é posible crear este mundo. Para as mulleres esta globalización neoliberal e patriarcal tradúcese nun retroceso en todas as esferas da súa vida, tanto no público como o privado. Vívese un aumento, do sexismo, dos fundamentalismos relixiosos, do conservadurismo, da xenofobia e do racismo. Os dereitos sociais, sexuais e reproductivos que as mulleres lograron nos últimos anos, por exemplo o acceso legal e seguro ao aborto, están sendo cuestionados en varios Estados. As mulleres teñen cada vez menos acceso a obter un traballo digno, de xusta remuneración, mentres continúan facendo o traballo doméstico. Increméntanse as discriminacións contra as lesbianas, mulleres migrantes, mulleres que viven con incapacidades de todo tipo e contra outras mulleres marxinadas. A pobreza das mulleres aumenta, ata dentro dos países chamados "ricos".

Nós denunciamos que, para satisfacer o consumo desenfreado de recursos dos Estados Unidos e os seus aliados en Europa ou noutras partes do mundo, impulsan guerras a través do mundo e impoñen tratados económicos que impiden a soberanía alimentaria dos pobos, confrontan a súa autonomía política, a paz e o dereito das persoas a circular libremente. Eles fan isto en nome da guerra contra o terrorismo. Usan as organizacións financeiras internacionais (FMI, BM, OMC), impoñen os tratados e crean áreas ditas de « libre comercio » para as transnacionais quen sacan destas guerras enormes ganancias. Estas políticas causan o esgotamento dos recursos naturais, que son propiedade dos pobos que sempre as valoraron e usado para producir alimentos e medicinas. Estas guerras acompáñanse de múltiples formas de violencias, particularmente cara ás mulleres, as cales son violadas, violentadas, prostituídas, usadas como escravas sexuais e asasinadas; as mulleres sofren traumas físicos (mutilacións, feridas e o incremento do VIH/SIDA) e traumas sociolóxicos profundos. Denunciamos os feminicidios e a utilización do corpo das mulleres como terreo de batalla e botín de guerra.

Estas políticas aumentan tamén o tráfico de seres humanos, particularmente de nenas e mulleres ás que se lles considera o seu corpo como mercancía, fonte de ganancias para as organizacións criminais. Hoxe en día, as ganancias adquiridas da trata de mulleres e da prostitución constitúen a terceira fonte de ganancias no mundo, despois do tráfico de armas e de drogas. Estas guerras destrúen as poboacións civís, causan desprazamentos, privan ás campesiñas e campesiños do acceso á terra, ao auga e, polo tanto, impídelles a produción de alimentos necesarios para a súa supervivencia. Por varios anos, existe a circulación dunha gran cantidade de armas, como na rexión dos Grandes Lagos Africanos, en Colombia e, a través do mundo onde existen conflitos armados desde moitos anos. Ademais, vimos a instalación de bases militares e de bloqueos políticos e económicos, como nas Filipinas e en Cuba respectivamente, así como noutros países do mundo. Hai territorios ocupados e invadidos por forzas estranxeiras onde os gobernos perden a posibilidade da súa soberanía.

Nós, denunciamos particularmente as intervencións militares de EE.UU. en Irak e Afganistán, as agresións e a ocupación de Israel en Palestina e noutros países árabes. Nós esiximos o retiro de todas as forzas que ocupan estes países, o desmantelamento de todas as bases militares, a destrución das armas e o fin dos bloqueos políticos e económicos. Nós recoñecemos que as mulleres dos pobos indíxenas, poboacións indíxenas, poboacións tradicionais e afrodescendentes son sabias e protectoras da natureza. Esiximos respecto dos seus territorios e culturas. A p rivatización dos recursos naturais, a auga, o aire, a biodiversidade e a propiedade intelectual causan unha perda de soberanía e o empobrecemento xeneralizado dos pobos e as nacións.

As guerras e os ataques á soberanía dos pobos son froito do modelo patriarcal e capitalista que denunciamos e rexeitamos. Tamén denunciamos o deterioro das responsabilidades sociais dos Estados, a perda de soberanía e de lexitimidade dos gobernos, onde a corrupción e a impunidade reinan. Cando un goberno sométese aos dictames doutro país ou dunha institución financeira e cando a procura de ganancias faise en detrimento do benestar das mulleres, dos homes e dos pobos e constatamos un retroceso enorme no respecto aos seus dereitos. Nós apelamos ás nosas aliadas e aliados a unirse nesta loita. ¡Xuntas e xuntos poderemos cambiar a vida das mulleres.

Cambiaremos o mundo! Lima, 9 de xullo de 2006.

Fonte: Declaración del VI Encuentro de la Marcha Mundial de las Mujeres
Revoluçom