|
A AV de Navia ven de publicar
un comunicado na sua páxina web www.avnavia.org coa carta que
se envía ao Concello de Vigo e a corporación municipal
como resposta ao proxecto do complexo termoacuático.
Informados polos medios de comunicación da intención do
goberno municipal de Vigo de promover a instalación dun Complexo
Termal de xestión privada en terrenos municipais destinados,
en principio segundo o PXOM, a uso deportivo na parroquia de Navia,
esta Xunta Directiva reunida dun xeito urxente no dia de hoxe diríxese
a vostede para manifestarlle os seguintes puntos:
1. É lamentable que dun proxecto
de tal importancia para a parroquia, os veciños e a Asociación
Veciñal de Navia teñan que enterarse pola prensa.
2. A Asociación Veciñal de Navia ven traballando na zona
denominada P.A.U. Navia dende hai máis de 10 anos. O que vai
dende as negociacións para consensuar o urbanismo a aplicar no
P.A.U. Navia ata o día de hoxe, pasando por todo o proceso de
negociacións entre os veciños e propietarios e Xestur.
3. Parécenos polo tanto, como mínimo de nula transparencia
democrática, o non consensuar as instalacións deportivas
a facer no mencionado lugar da parroquia.
4. Como ven sabe vostede os terrenos foron adquiridos por Xestur mediante
o sistema de expropiación aos seus antigos propietarios, coa
xustificación de construir vivendas a un prezo asequible e conquerir
ao mesmo tempo un amplo espacio público municipal.
5. Despois de máis de 10 anos atopámonos que nin as vivendas
foron vendidas a un prezo asequible para todolos cidadáns (sobrepagos
ilegais) e os espacios que en principio tiñan a clara vocación
de amplas zonas verdes e deportivas de uso público e libre preténdense
donar parte a unha empresa privada para un uso e xestión por
un mínimo de 40 anos, con tódalas características
de negocio lucrativo. Polo tanto ¿qué sentido tiña
a expropiación de entón?
6. As carencias deportivas desta cidade son moi deficitarias, e un complexo
termal por moi relaxante que sexa non é unha dotación
deste tipo.
¿Ten lóxica privatizar o
pouco que temos como público, o uso e xestión duns espacios
tan necesitados coa vocación de atraer turismo cando os cidadáns
de Vigo e de Navia non teñen unhas instalacións adecuadas
onde facer deporte?
¿Teñen preguntado ás distintas federacións
deportivas que opinan?
¿Teñen preguntado aos veciños e PROPIETARIOS de
Navia que opinan sobre que lles rouben un espazo, en principio, pubrico
a precio de expropiación e despois doarlo para un negocio privado?
¿Os 18.000 m2, dos 36.000 m2 totais, para establecementos comerciais,
según a sua proposta, son para uso deportivo según manda
o PXOM?. É o colmo da manipulación. Unha empresa está
a invertir 60 milllons de euros na cidade para o seu beneficio empresarial
sen mercar un metro cadrado de superficie ou a cidade de Vigo està
a REGALARLLE 36.000 m2, a costa de espazos pubricos .
A Xunta Directiva evidentemente sabe o
sentir da parroquia de Navia e o que quere: Espazos libres, instalacions
deportivas municipais, instalacions municipais a prezos municipais e
non suxeito o interes do beneficio empresarial. As dotacions deportivas
son un deber das administracions pubricas e non teñen que pasar
inexorablemente pola privatizacion, posiblemente o camiños mais
curto pero sempre o mais inxusto e depredador.
Sen outro particular e manifestandolle
que sempre estaremos dispostos a aportar solucions non especulativas
lle saludamos atentamente.
En Navia a 8 de Marzo de 2006
A XUNTA DIRECTIVA
SRA. ALCALDESA-PRESIDENTA DO CONCELLO
DE VIGO
Caixa dos correios:: info@avnavia.org
WWW:: http://www.avnavia.org
|