O cádigo delira

E a friúra

A mirada do vello, nos loureiros

Nas maceiras
E nos seus brazos desbocados

Na ribeira que arrola

No matagal
Testemuña do incendio
E a razón do seu encollemento

O cortalume
Nas ruínas das fontes

A diferencia entre a queiruga e a carqueixa

A variedade do carballo enano

O oficial obsoleto que colocou as trampas
E non está seguro
De querer atrapar o xabarín

O albanel entoleado que llas rouba

De cando tiñan o corazón a monte

E furtivo
E tatexo

Da man que celebrou a casa das abellas
-ese recollemento no granito-
as mulleres do meu país
sosteñen este caos.