Area a terra máis anónima

Feitas de area as columnas do desparaíso.

E o ar do planeta Terra

De area,

De area os satélites,

Urano,

Tamén Venus

Da area.

Expulsando area os corazóns,

Atraendo area. Area.

Mais non só area.

Xunto coa area a bágoa esencial

E unha vasilla enchida de sangue.

Entre a area tamén vós, rotos

Reloxios, cartas

Amareladas, diccionario

Liliputiense, oxidado

Escudo de Esparta;

Tamén vindes vós.

Mais todo váise perdendo cada noite

Coma ti ou a lus;

Cada noite non queda máis que area

Baixo a lus cruel. Area

Area a terra máis anónima,

Feitas de area as columnas do desparaíso.